［恐懼］
我不知道孩子對世界又充滿恐懼。有一天，他問：為什麼有些地方嘅鐵路、樓宇咁唔安全，隨時會爛嘅？（不知從哪裡聽來的）
媽：因為有人貪心，貪錢，想用好平價嘅材料，結果呢啲樓房、鐵路、橋墩都唔穩陣，就會爛。呢啲叫偷工減料⋯
哥：咁住係呢啲樓內嘅人、坐緊車經過呢啲路嘅人會點？
媽：受傷或者死
接著我給兩兄弟看一些因偷工減料出現意外的短片，大哥看完後驚叫，猛說：好驚呀！我唔想住呢啲樓，唔想坐高鐵，我地呢度有無事咖？
大哥急到想哭，我就慢慢解釋：冷靜一點，我們現在住的樓宇很安全，因為呢啲都係從前係有嚴謹制度監察下起嘅樓，無人能夠貪而偷工減料，但而家多左呢啲事，係因為而家嘅政府監管不力，縱容人貪污，所以呢個社會嘅未來靠你地，你地可以趕走無能的高官，為我地建立更美好嘅社會。
大哥仍然表示好驚，爸爸這時便曉以大義：你每天出門口都會有機會發生意外，難道因為驚而唔出門嗎？你有天父的保護，又洗咩怕呢啲意外？
大哥：之前都試過祈禱，都無用嘅！
噫！講出了心中對天父的疑惑啊！好事！爸媽再以主禱文重新解釋一次祈禱的準則，也分享天父保守的見證故事，當孩子聽了媽媽生大哥時驚心動魄的經過後，就重建信心了。
接著當晚大哥要媽媽唸這本《艾瑞卡的故事·大衛之星》，心想：二哥，為何千揀萬揀，從圖書館揀一本說戰爭的故事呢？還要說二戰猶太人遇大屠殺入集中營的故事，他們一定又怕得不肯睡，哇哇大叫。誰知唸完，兩兄弟也沒有哭鬧，沒有表示恐懼，只是靜靜的回到房裡睡覺。
天父是孩子的避難所、定心丸，教孩子回到神裡面，即使面對再醜惡的世界，他們會有勇氣的🙏🏻💪🏻
Search